AmethystBar

         今日翻工以为会好忙，因为毕竟琴日咩都无做到，D野一定会堆到好多好多架嘛，点知原来都唔系甘忙遮~而且又整左一阵机，时间就过得更加快啦~

        到左十点几，突然电话响左，听到铃声以为系祥哥啦~点知居然系敏啊，成年都无见过距啦，以为距呢世都唔会再睬我架啦，点知距因为屋企无门口入，居然稳我喔~~吓左我一跳啊，不过都好嘅，唔使无左个朋友，虽然可能已经无以前甘好啦，总好过面左左嘅~其实我唔系甘想人地系呢个时候打扰我的，因为又要招呼距，我就无得做其他野，无得训觉了，我一个星期就得果一日半可以好好甘补下眠架咋~不过又唔可以拒绝距架，甘样会显得我好小气甘喔，其实D同事都叫我唔好理距，但我做唔到，因为清楚嘅人都知道我系一个重感情嘅人，就算人地对我唔好，我都唔会拒绝人地嘅要求，其实都唔知呢D系我嘅优点定缺点啦

         放工后，就同敏一齐去买午餐，之后就窝在家中唔出去了，同距倾左下先知原来距新男友系网上识得嘅，而且唔系本地人，仲要系做卖蛋嘅生意，呢样真系令我有点意外，因为我觉得距唔会同呢D人拍拖架嘛~`不过可能真系缘分一来，就挡都挡唔住了，其实真系有点羡慕距，起码有自己嘅另一半，使生活可以充实点……成个下午就系我屋企同距好无聊甘渡过了~~到左傍晚，我将厨房嘅卫生搞左下，因为已经两个星期无搞过，好脏啊，而且只老鼠成日当左果度系厕所，讨厌！！迟早我会捉到距嘅！！好无聊啊~难道我的一生就这样了吗？？？不要啊！！！！

           今日咩都无做，就系公司虚度左成八个钟~唉~早D比我走，我都可以做到好多野啦，就可以快D完成幅十字绣啦搞到今日浪费晒D时间，谂起都觉得痛啊……

           同时，我又觉得，系呢间公司做野，日日都系虚度时间架啦，今日同平时又米差五多，只不过平时好多野做，今日咩都无做甘解遮~我话离开都话左成年几啦，点都唔舍得离开，唔系因为咩，系因为我无信心可以稳到另一份工啊，而且又唔想重新来过，当初嘅雄心壮志，随着时间，已经磨灭得差不多啦，再无甘嘅勇气啦~~~但我又唔可以话一世都系呢度喔，甘样就真系虚度一生添啦。或者比D时间我啦，总有一天我会离开，寻找另一片天地，希望系一个快乐园啦.......

       今日，本来都谂住周唔会出来架啦，点知临放工，距比左电话我，仲话讲左比祥哥听我请吃饭，当场就想爆粗，不过又谂住好耐都无见过祥哥咯，出就出啦~~

      因为祥哥好早放工，所以首先见到嘅，肯定系距，不过都好嘅，我觉得同祥哥倾计舒服D，而且岩倾D~~仲比我知道左唔少周嘅野，我都知道距呢排唔开心，如果唔系距都唔会稳我啦，真系可笑，成日都觉得自己系人地无聊时候先会想起的对象，但我就安慰自己，好过比人遗忘嘅~~自欺欺人就系我呢种人啦。。

     距终于来左，而且仲倾电话倾到入晒神，完全发觉唔到我地系距后面，都唔知同边个女仔倾得甘入神!!唉~~一阵就无左几十蚊咯，不过都好过系馆子吃嘅，如果系甘，就唔look卡都唔得啦，我唔想再look卡，更加唔想用今日借来应急果一百蚊!!点解要搞到自己甘呢？？？我觉得我自己好犯贱架，为左见距一面，就要充阔佬，明明已经负资产啦，仲要请人吃饭~`好憎啊，好憎自己~

    吃完饭，居然要各散东西了~~其实我觉得周好似都唔系甘想甘快翻去，话晒出左来先一阵，但系祥哥又要赶翻去见女友，无计啦~~但我要跟祥哥去搭44号车，定跟周去搭811呢？？最后我都拣左搭44，因为有人同我倾下计甘搭车，好过自己昂居居一个人搭嘅，而且唔想搞到祥哥以为我想同周一齐，虽然我心里系有D想，但基于面子，最后都系选择44~~

    好在我选左44，唔系我都唔知周原来真系一个花花公子，开头我仲觉得系祥哥系度挑拨离间，但经过呢一年嘅接触，我觉得系周系度讲紧大话，I HATE HIM！！！我最憎人呃我架啦！！不过谂深一层，其实系一直都系自己犯贱，我应该一早就知距系甘嘅人，但我就系都要比距呃，比距利用~~点解会甘架~我唔想再系甘啊，点解我拣亲男人都系甘架，个个都只会识得利用我，我系米真系甘唔值得人地去爱啊？？？

      好累啊~~我唔想再系甘啦，我决定！！我再都唔要再比人呃，比人利用！！！！

      我错啦，我早就应该决绝D架，但系我就是不能硬起心肠，以致自己差点沦陷了，我以为会不一样，但其实，是一样的~~~你和我无论性格，思想，生活方式都截然不同，我地根本就唔适合对方，但我就系忘记唔到距啊，距一稳我，我就软晒啦~~~我真系好无用啊~好烦啊，我要点先可以摆脱到距啊？？？

          今日，本来食饭系一件好高兴的事情，因为又可以见到周啦~~自从上次同距去完旅行之后，产生左好微妙嘅感觉，同之前嘅感觉好唔同，可能对距了解多左啦。but，当听到距已经有喜欢的人，我，又再一次失望，其实都估到架啦，唉～～～但我依然要强颜欢笑甘去祝福距，呢个都系我一直以来待人接物嘅特点，无论我几唔想，几唔开心，都唔会表现出来，只会暗地里伤心。。。。虽然而家距地未开始，不过睇来系必然会一起甘嘅款啦，不过都好嘅，唔使再比我希望，继续暧昧落去，我惊到时以为有D咩就唔好啦，到时我可能会更加伤心......

          好在他还是当我是朋友，甘样已经好好了，大家做下朋友，其实可能会仲好，虽然有点伤心，不过都唔会特别痛果只，可能我太寂寞，好想稳个人依靠下，才会多他多了点感觉啦。算啦，过去啦，其实我同距一早就已经过去啦，不是吗？？？是我将事情搞砸，能怪谁呢？？？

      過年甘耐就悶足甘耐~~唉~~而傢我最討厭過年了，因爲好多野做，又無自由，可能過慣了和妹妹兩人的生活，所以而傢唔中意甘多人在家的感覺。。。。人地個個都盼望新年的到來，同家人團聚，偏偏我就是討厭！

      過年前聽講我養了不久的狗狗死了，，我真的很傷心，因爲我覺得自己做錯了決定，而導致距死亡，如果我唔答應媽媽比距帶翻去，將距比翻張敏，或者距會健健康康甘活下去，但而傢講咩都無用，距已經唔係度啦，我真係好内疚好内疚，我無好好照顧距。。。。我最擔心係唔知點同張敏交待，我唔敢話距知.....

        不過要來的始終會來，就琴晚，張敏打電話比我，開始打我手機，我無接，係因爲我唔敢接。以爲距唔會再打來，點知距打我屋企電話，被逼接左...距一開頭連新年好都無講就直接問我只狗點，當時我真係好嬲，你有當我係朋友咩？？？我就話我阿媽帶左距走，距好嬲甘話我，話我點解唔同距講聲，話應該比翻距，然後我話諗住遲d先同距講，距之後冷笑左兩聲就蓋左我電話，我當時真係超級嬲，咩態度啊？？？？儅我係咩啊？明明你比左只狗我，我就有話事權，我唔係幫你養狗啊！不過，可能因爲内疚，所以我怪自己多d，都唔敢怪距咩....不過，我地十幾年嘅友誼從此划上終點......

        話可惜？唔知點解我又唔覺喔。。。正如我好朋友虹虹話齋，呢d甘嘅朋友，唔洗恨~甘多年朋友，距開始嘅時候的確好好，如果唔係，我都唔會當距係知己，可能自從我高中之後，大家接觸嘅野唔同左，距亦比較早出來社會，所以，距變左，我都變左，大家嘅共同話題都少左，距而傢同我講野，除左炫耀還是炫耀，基本上我都已經唔想再同距講野....不過甘多年嘅友誼，不容易啊，所以我先處處遷就距，好多時都唔會同距吵，任距講.....而且呢件事係我唔啱在先，我内疚，所以都唔會講咩，距態度甘樣，我都唔理了，當無左個朋友..... 唉，呢個年。。。難過哦~~~~~~~~翻工，我更加唔想，不過唔想又可以點？？？我聼日就要翻啦。。。。而且仲有大把野等住我做，天啊~~我究竟做錯d咩，要甘對我啊。。。。。。。。。

          阿茄，我對你唔住，希望你可以安息~

        本来今日我系好开心架,因为公司无咩做,放工后又同虹虹一齐去行街,原本一切都系美好的~~点知十点几翻到屋企,一开Q无几耐就收到距嘅信息,距问我系米同左阿TOM一齐......其实我真系好莫名其妙,点解会扯到我同阿TOM~~就因为呢排我地都有见面????我问距边个讲嘅?距话系香港ADMIN嘅同事,我当时就觉得,点解系要讲我是非,我同距地无仇无怨挂~然后我问距,,你介意吗??距问我介意咩??我就话当我无问,距就答我:你俾呢个答案我我都知咩事喇......然后我就讲左我无同TOM一齐,我话就算我同边个一齐你都唔会介意架啦,何必多此一问....之后距就无答我啦....

        我个心就好似当场比人打左一下甘,好痛....甘即系咩意思啊???之前距做到甘暧昧甘,原来都系玩我的???点解要玩我啊?好有满足感???我感情好脆弱的,经唔起你的玩弄......求你啦~~放过我吧~唔好再稳我啦~~我真系好伤心好伤心.......

        24嵗啦~好快啊，人地話25嵗仲未有結婚對象嘅話，就會好危險啦~~點算？我到而家都未有對象喔~仲有一年我就到25嵗啦，真係有d擔心....

        生日果晚，其實都算開心嘅，不過就好似悶親某d人甘咯~真係好對唔住距地啊。。。仲有就係，距都有來，我當時都好矛盾，要唔要叫距來，不過，最後距都來左，唔知點解距來嘅時候我有絲開心的感覺，如果距唔來，我又會點呢？？會唔會成晚都好down？？我諗應該會啦~唉~點都逃唔出去。。。唔通我要一直甘樣落去~~我唔想啊。。。。而且果晚翻左屋企之後，距打左電話比我，雖然只係傾左一陣間，不過我已經好開心啦。。。唉，真係唔明，到底距想點？水瓶座嘅人真係令人難以猜測。。。。而我，更加唔知自己想點。。。。

        琴晚饮左好多,但估唔到系距送我翻去,并且系我屋企训,而我,就梗系同距一齐训........好似好理所当然甘,我都唔知点解....明明系我自己话要同距断绝一切联系,而且我已经将距嘅一切都删掉了,原来有D野系点删都删唔到架,我而家嘅感觉真系好难形容啊~~~

        躺在距怀里的感觉真系好舒服啊,而且仲觉得开心添~~原来我仲系在意距架,我真系好惊啊,好惊再伤多次,而且距都无话同翻我一齐,而家甘嘅情况,即系点啊????我觉得好混乱啊........

         2008年到左甘耐，第一次係度寫野，我發覺自己真係變得好懶，懶到連考試都唔去，甘辛苦去上復習課，提醒自己要好好復習，到最後，仲係無睇過書~~~有時真係好想打自己，點解甘唔上進，甘樣落去遲早比人睇死。。。。不過，而家就已經比人睇死啦，我個死人組長啊，睇死我唔敢反抗距，而家得寸進尺，日日係度單打我，話我成日唔記住距講過嘅野，大佬，甘多野要記，有時d野忘記好正常遮，你自己米成日唔記得d野，人地上一分鐘講完，你下分鐘已經唔記得啦，仲死唔認錯添，正一死八婆！！！！我最憎人自己都做唔好嘅野走來話我，自己都唔以身作則，米使旨意我聼你話！！！

         唉~~有時候真係覺得自己好無用，居然比個學歷低過自己，本身又毫無優點嘅人來HEAD我，但無計啦，自己資歷唔高，做野又唔夠認真細心，反應又遲鈍，又唔識轉彎，唔怪得會比人睇死。。。。。成日都話辭職，到而傢都未有打算，船頭驚賊船尾驚鬼~~唔怪得我朋友成日話我嘅~係時候要諗下將來啦~~甘懶~個本科真係幾時先考得完？？？

        今日真的好累好累,做做下野真的顶唔顺,趴系台上睡着了,但无几耐,就惊醒了,因为我觉得好大压力,好似好多人望住我甘,特别系我阿HEAD啊,今日唔知发咩神经,成日系度行来行去~~~我真系好惊距,觉得距好似系度监视我甘,令我好烦躁~~~ 自从上次哭完后,我无一晚系训得好嘅,我真系就来癫啦,不过好在我同事成日都会同我倾计,我嘅朋友都好关心我,会成日开解我,如果唔系我真系唔知点过落去啊D日子........今日就来放工嘅时候,我真系好激气,我组长帮我检查CASE,见到有地址未HOLD,因为我果阵都检查紧人地嘅,就叫距帮手HOLD,距诈唔知甘,真系顶距唔顺,而家距越来越懒啦,上CASE前叫距检查一下都懒得检,成日系度玩游戏,真系超憎距甘嘅态度,成日扮晒野甘!又中意认叻!真系好想辞职啊!!!!!!

     今日,应该系我呢个月最唔开心的一天吧~~因为今日我发现,原来我嘅工资系全公司最低,连两个新人嘅工资都比我高好多,甚至距地嘅工资居然同我组长的差不多,我真系好唔明白,我到底做错左D咩?还记得我转正嘅时候,我嘅工资,系除左组长等高层,我算系高的,点知一年后,我嘅工资会系全公司最低...原来我自己一直系度厄紧自己,以为自己嘅工资系公司里面除左组长算高嘅......我自问呢一年来,我无犯咩大错误,尽忠职守,每日做到腰酸背痛,对到眼睛都痛,换来甘样嘅结果,我真系极度伤心~~可以嘅话,我真系就甘辞职就算啦......但系我可以去边,我可以点?????好憎自己甘软弱.......

      今日翻屋企,觉得条路特别长~~平时好快就到,今日却行极都唔到~~D眼泪不断系眼眶里打转,我不断同自己讲,我要坚强,我唔可以哭,但最后,我系公园里大哭左出来~~我仲不断问自己点解点解.....不过,我谂我永远都唔会知道点解~~真系好唔开心,但翻到公司,却要强颜欢笑~~

      今日，本来系几开心的一天，因为公司有两个同事生日，大家都帮距地一齐庆祝～～晚上，寿星仲请我地食饭～直到距嘅出现，我嘅心情跌到落谷，而且一直系我心中嘅疑问，终于得到左证实，虽然都已经有心理准备，不过，听到后，心情真系好差啊．．．．我唔明，点解要玩弄我嘅感情，我是真心的付出啊～想哭，真系好想哭，但，我点解要哭，为Ｄ甘嘅人哭，唔值得！

　　今日起，我是真的要忘记一切了，有关距嘅一切～我要重新开始，努力生活，我唔可以衰比距睇！！！

       今日，系一个好朋友嘅生日，从距话我知距边日生日开始，我都未忘记过，每年一到十二点，我就会同距讲生日快乐~~~毕竟距系我喜欢嘅人啊，虽然而家嘅感觉已经淡了，但每当见到距，我嘅心点都有D野，唔知呢D系咪叫执着呢？？？？

        呢排真系好唔开心架，因为有个问题总是缠绕住我，就系，我刚失去嘅呢段恋情，到底系欺骗还是真心，我好想搞清楚啊，好想去问距，但我唔敢~~觉得自己真系好无用……日日都要见到距，一见到距，我就变得好唔自然，个心跟住跳，我好憎甘样嘅自己啊。。。。

今日真係無乜心機做野，唔知自己諗緊乜，所以做錯同做漏好多野，搞到比組長閙，心情好down~不過安慰自己，其實都唔係咩姐，都唔係第一次比人閙咯。。。但係依然覺得好唔開心````到左下午，突然有個靚仔來左喔，心情忽然好好多，成個辦公室熱鬧好多，個個都係度談論果個靚仔，搞到我地好似好耐無見過男仔甘，實際上係好耐無見過靚仔姐~我大head阿Tom突然叫我過去打聲招呼喔，嚇到我啊，我梗係唔制啦，呃距話做緊case咯，當時我著住短褲架，甘樣衰，唔想比個靚仔見到啊。。。。我發覺呢排真係成日見到靚仔喔，琴日係地鐵見到個仲靚仔啊，鬼鬼地架，又高大，我同組長都眼甘甘望住距啊，我組長仲跟埋人地落車，笑死我啊~~

      放工后，我阿head叫我請距食飯喔，甘米請咯，反正翻到屋企都無飯食~就去左某人介紹我去嘅一閒食日本碳燒嘅餐廳食，點知十分失望，一點都唔正宗，咩菜都有，粵菜，日本菜，韓國菜，泰國菜，咖啡都有，真係包羅万有，不過种种菜都好少，得果幾樣，而且分量都好少，環境又唔係十分好，真係失望，搞到我又要請多餐，最衰某人。。。以後都係等某人去過話好先再去！食完飯我同head傾計，距話早知去花街90食buffet，我即刻反對，距問我點解，其實我都唔知點解，可能因爲“他”吧，我唔想去我同距去過的地方，可能我仲未放低距啦~

      今日真係出奇的忙啊，D CASE來完一份又一份，做到我就來癲甘制啊，個系統又甘岩改左野，搞到好多野都做唔到，煩都煩死啊！我對呢份工真係越來越厭倦啦~~~有機會嘅話我真係好想離開呢間公司啊~

     上星期六表弟結婚，不過我無去到，因爲我真係無甘嘅心情啊，不過聼我妹妹講，剛生左BB嘅万如表姐推薦去英國進修兩個月啊，唔使自己出錢可以出去旅遊，我真係好羡慕啊，英國啊~~係其中一個我最想去嘅國家啊~因爲英國嘅男仔都好英俊架，而且距地嘅女仔都好淑女，真係好想去見下啊，親身體驗下呢個國家嘅文化~不過我諗我呢世都唔知有無甘嘅機會

      琴晚我阿HEAD SEND短信問我點解做野唔開心，我都唔知點答距好，因爲涉及太多野啦，其中一個就係唔妥距，叫我點講出口喔~最後都係選擇唔答，點知距再發多條過來，我唯有敷衍距啦，不過距應該FEEL到~唉~點解做人甘難嘅呢？點解有甘多唔開心嘅野？

      今日我阿HEAD話今個星期我地會搬入A房，座位表都編好，叫我地自己睇，我第一時間就拿左來睇，睇完之後勁唔開心，因爲有一個我唔係甘中意嘅人坐我隔離，仲要我組長唔坐我隔離，仲要離我好遠，甘樣點得架，我習慣組長坐我隔離，方便我問野架嘛，而傢我坐果度好似叫天不應，叫地不霛甘，仲要對住墻，啊！！！真係好討厭呢個位啊，但係又唔可以調喔，憎死距地啊！成日都係甘嘅，小學生咩，居然話我同我組長多野講調開我地喔，吊頸都要透下氣架 唉~~我都係命苦架啦，我幾時先可以脫離呢度啊~~~~

      琴日，放工后就匆匆忙忙趕去上社果邊參加我朋友嘅畢業典禮，睇到距畢業，我真係有d眼濕濕，一方面我真係覺得好感動，但一方面我又覺得好心酸啊````感動係因爲睇到距終于畢業啦，而且屋企人，男朋友，仲有好多嘅好朋友都來參加距嘅畢業典禮，果個畫面雖然係好多電視劇集都睇過，不過親身感受真係特別唔同架。。。白色襯衫，紅色領帶，黑色西褲，學士袍，四方帽，真係好靚啊。。。我覺得我個f係果一刻真係好靚啊……我覺得心酸係因爲，對比起自己嘅畢業典禮，我覺得自己根本無畢業，寒寒酸酸甘，搞埋d手續甘就畢業啦，無畢業典禮，無學士袍，無四方帽，就連畢業聚餐都無，真係覺得好心酸啊，呢個會係我呢一生嘅遺憾，可能有人會話，呢個只不過係形式來架姐，雖然係，不過點都會有遺憾。。。真係好難接受到自己嘅畢業係甘平淡，好似無讀過大學一樣